Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Ադրբեջանի հերթական պաշտոնյայի հերթական «գլուխգործոց» հայտարարությունը ցույց է տալիս Հայաստանի կանխարգելիչ հարվածների տրամաբանությունում կոշտ հռետորաբանության հաջողությունը: Հակառակորդը տանուլ է տալիս միակ հարթությունում, որտեղ նախկինում քիչ թե շատ հաջողում էր՝ հոխորտալու և անհիմն ահաբեկելու միջոցով հոգեբանական առավելություն ապահովել:
Հայաստանի նոր իշխանության ներկայացուցիչների կոշտ դիրքավորումը, ինչպես նաև, պետք է անպայման նշել՝ նախկին պաշտոնյաների այս հարցում աջակցող հայտարարությունները ամբողջապես հունից հանում են առանց այդ էլ իրենց ծանրության կենտրոնը կորցրած ադրբեջանցիներին:
Ինչ վերաբերում է մարտի դաշտին և շուտով պատերազմելուն, ապա մենք միայն այդ առիթին էլ սպասում ենք, որ վերադարձնենք մեր հայրենիքի ևս մի քանի հազար քառ. կմ տարածություն: Այս անգամ, ի տարբերություն 2016 թվականի, առաջ չգնալու հրաման չի լինելու...»: