ԱՄՆ նախագահի ազգային անվտանգության հարցերով նախկին խորհրդական Ջոն Բոլթոնը մասնավոր հանդիպման ժամանակ քննադատել է Դոնալդ Թրամփի վարած արտաքին քաղաքականությունը, հայտնում է Politico-ն՝ վկայակոչելով իր աղբյուրներին: Նշվում է, որ նախկին խորհրդականը չի թաքցրել իր տարաձայնությունները ԱՄՆ նախագահի հետ: Մասնավորապես, նա վրդովված է եղել Աֆղանստանի «Թալիբան» շարժման առաջնորդներին Թրամփի որոշմամբ` ԱՄՆ-ի նախագահի Քեմփ Դեյվիդ նստավայր հրավիրելու համար: Նրա խոսքով՝ սա սեպտեմբերի 11-ի ահաբեկչության հետևանքով զոհվածների նկատմամբ անհարգալից վերաբերմունքի դրսևորում է: |