ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Բուրյաթիայում առևանգել են շամանին, ով պատրաստվում էր Պուտինին Կրեմլից վտարել
15:15, 19.09.2019 | mamul.am
5714 | 0

Այսօր հայտնի է դարձել, որ Բուրյաթիայում առևանգել են շաման Ալեքսանդր Գաբիշևին, ով պատրաստվում էր գնալ Մոսկվա՝ Վլադիմիր Պուտինին Կրեմլից վտարելու համար, հաղորդում է Сибирь.Реалии-ի նախագիծը։ Հրապարակման համաձայն՝ գիշերը մի քանի մեքենա մոտեցել է Իրկուտսկի շրջանի սահմանին գտնվող Վիդրինո գյուղի մոտակայքում գտնվող ճամբար, որտեղ գտնվել է Գաբիշևը: Դիմակավորված անձինք շրջապատել են շամանի վրանը, առևանգել են նրա սայլը, որով նա ուղևորվում էր դեպի Մոսկվա, այնուհետև նրան տարել են անհայտ ուղղությամբ: «Ավտոմայրուղին արգելափակվել էր Հատուկ նշանակության ծառայությունների աշխատակիցներով, նրանք արագորեն շրջապատեցին մեր ճամբարը և անմիջապես վրանից առևանգեցին շամանին: Նրանք մոտավորապես մի քանի տասնյակ կլինեին»,-հայտնել է շամանի կողմնակիցներից մեկը։ Ականատեսների վկայությամբ, դիմակավորված անձինք ցույց չեն տվել իրենց անձը հաստատող փաստաթղթերը, նրանք զինված են եղել: Ընդհանուր առմամբ՝ ճամբար է ժամանել մոտ քառասուն մարդ: Շամանի կողմնակիցները, ովքեր փորձել են բացատրություն պահանջել և հարցեր են ուղղել, նրանց տապալել են գետնին: Ձերբակալվել են նաև մի քանի ակտիվիստներ:

Կիսվի՛ր այս նյութով՝
դեպի վեր