Mamul.am
Ամբողջական տարբերակ
USD 475.96, EUR 530.36, RUB 7.48, GBP 615.51
+9 °C, +10 °C ... +17 °C Վաղը`+18 °C
Hay / Հայ | Рус | Eng | Tür
Տագնապալի վիճակագրություն. ամեն 11 վայրկյանը մեկ աշխարհում մահանում է մեկ հղի կամ նորածին
23:45, 19.09.2019

Ամեն տարի աշխարհում մահանում է 2,8 միլիոն հղի ու նորածին: Բարձր է նաև մահացածության ցուցանիշը մինչև 15 տարեկան երեխաների շրջանում: Այս տագնապալի վիճակագրությունը ներկայացրել է Առողջապահության համաշխարհային կազմակերպությունը:

Փաստաթղթում ասվում է, որ կանայք ու նորածիններն առավել խոցելի են ծննդաբերության ընթացքում և դրանից անմիջապես հետո: Ամեն 11 վայրկյանը մեկ աշխարհում մահանում է մեկ հղի կամ նորածին:

Հարկ է նաև նշել, որ 2000 թվականից սկսած՝ մանկական մահացությունը կիսով չափ կրճատվել է: Մայրական մահացությունը կրճատվել է մեկ երրորդով: Սակայն, չնայած այս դրական տեղաշարժին, նորածնի մահվան վտանգը ծնվելուց անմիջապես հետո կամ կյանքի առաջին մի տարում շարունակում է շատ բարձր մնալ:

Ռիսկի գոտում են նաև մինչև 15 տարեկան երեխաները: Միայն անցած տարի աշխարհում մահացել է 6,2 միլիոն երեխա, որոնցից 5,3 միլիոնը՝ մինչև 5 տարեկան:

Տեղեկացրե՛ք Ձեր մտերիմներին
| |
դեպի վեր