Mamul.am
Ամբողջական տարբերակ
USD 476.34, EUR 530.17, RUB 7.45, GBP 614.19
+11 °C, +12 °C ... +19 °C Վաղը`+18 °C
Hay / Հայ | Рус | Eng | Tür
«Սա ականջներիդ օղ արեք». Արթուր Սաքունց
04:30, 21.09.2019

Իրավապաշտպան Արթուր Սաքունցը ֆեյսբուքյան իր էջում գրել է. «Երբ ժողովրդավարության և մարդու իրավունքների սկզբունքները մերժողներն ու ատողները, մարդկային արժանապատվությունը հակաազգային համարողները, օգտվելով և կիրառելով ժողովրդավարական մեթոդները, փորձում են արժեզրկել ժողովրդավարությունը, մարդու իրավունքները, ակամա հարց է ծագում` Դուք Ձեզ այդքան ճարպիկ եք համարում, որ կարծում եք, թե հնարավոր կլինի նման աճպարարությամբ, մանիպուլյացիաներով ժողովրդավարական մեթոդներին հղում անելով ոչնչացնել, արժեզրկել ժողովրդավարությունը, արժեզրկել մարդու իրավունքները, ու մենք էլ միայն դիտելո՞ւ ենք Ձեր քյանդրբազությունները։

Հույս չունենաք, ու հիշեցնեմ։ Ատելությունը, խտրականությունն անհամատեղելի են ժողովրդավարական և իրավական պետության շահերին ու անպայման կկասեցվեն հենց իրավական պետության մեթոդներով։ Ու հույս չունենաք, թե կարող եք ժողովրդավարական արժեքների բովանդակությունը ոտնակոխ անելու համար անխուսափելի պատասխանատվություն կրելու փաստով ձեռք բերել հալածյալի կամ էլ քաղաքական հետապնդման զոհի կերպար։

Կստանաք միմիայն ինքնիշխան ժողովրդավարական և իրավական պետության անվտանգությանն սպառնալիքներ հանդիսացող գործողությունների համար պատասխանատվության ենթարկվածների կարգավիճակ։ Ժողովրդավարությունն էլ իրեն պաշտպանելու իրավունք և պարտավորություն ունի, սա ականջներիդ օղ արեք, ու քանի դեռ Ձեր կապիկությունները լուրջ բնույթ ու հետևանքներ չեն ստացել, սթափվեք, գժուկներ, սթափվեք»։

Տեղեկացրե՛ք Ձեր մտերիմներին
| |
դեպի վեր