+26 °C, +15 °C ... +26 °C Վաղը`+26 °C
ՀՀ վարչապետն այսօր, մամուլի ասուլիսի ժամանակ, անդրադարձավ ԱԱԾ նախկին տնօրեն Արթուր Վանեցյանի պաշտոնանկությանը և աղմկահարույց հայտարարությանը. «Պարոն Վանեցյանն իր հայտարարության մեջ խոսել էր սպայի պատվի մասին և այն, որ ինքը, դե յուրե լինելով ԱԱԾ տնօրեն, հայտարարություն է անում իր գերագույն հրամանատարի դեմ և լինելով վարչապետին ենթակա մարմնի ղեկավար, հայտարարություն է անում իր հրամանատարի դեմ, դրանից ավելի մեծ անարգանք սպայի պատվին չկա: Հասկանում եք չէ՞՝ դա ինչ է նշանակում. դա, մոտավորապես, կարող է նմանվել..., դա շատ վատ դեպք ա... և դա պետք է հետաքննվի...»,- նշեց Փաշինյանը: Նրա խոսքով՝ ինքը չի իմացել, որ Վանեցյանի՝ պաշտոնից ազատվելու վերաբերյալ հայտարարությունը հրապարակվել է ԱԱԾ-ի պաշտոնական կայքում: «Սպան էդպիսի բան անի՞. էդ ի՞նչ ա... Դա նշանակում ա ուսադիրները գցել աղբամանը»,- եզրափակեց նա: Նշենք, որ հայտարարության հրապարակումից երկու օր անց՝ սեպտեմբերի 18-ին, հայտարարությունը հեռացվել է ԱԱԾ պաշտոնական կայքից և ԱԱԾ ֆեյսբուքյան էջից: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am