Mamul.am
Ամբողջական տարբերակ
USD 476.43, EUR 529.69, RUB 7.45, GBP 615.98
+17 °C, +12 °C ... +23 °C Վաղը`+23 °C
Hay / Հայ | Рус | Eng | Tür
Ռուսաստանը բացառել է Ուկրաինայի հետ անմիջական պատերազմի հնարավորությունը
15:35, 23.09.2019

ՌԴ պաշտպանության նախարար Սերգեյ Շոյգուն բացառել է Ուկրաինայի հետ անմիջական ռազմական բախման հնարավորությունը: Այս մասին Շոյգուն հայտարարել է «Московский комсомолец» ռուսական հրատարակությանը տված հարցազրույցում:

Պատասխանելով լրագրողի հարցին՝ կա՞ արդյոք Ուկրաինայի և Ռուսաստանի միջև լայնածավալ ռազմական բախման վտանգ, Շոյգուն պատասխանել է, որ նա չի էլ մտածում նման սցենարի մասին:

«Ես նույնիսկ չեմ ուզում մտածել այդ մասին: Ես իսկապես հուսով եմ, որ ուկրաինացի ժողովուրդը և ուկրաինական իշխանությունները ունեն կամք, ուժ և կարողություն սառեցնելու այն տաք գլուխները, որոնք կոչ են անում նման հիմարություններ և խենթություններ: Միայն ափսոսում եմ, որ նախկինում դա չի արվել»,-հայտարարել է Շոյգուն:
Շոյգուն նաև հավելել է, որ իր մոր հարազատները Ուկրաինայից են, և նրա պապը թաղված է այստեղ: Շոյգուն մկրտվել է Կադիևկա քաղաքի (նախկինում Ստախանով-խմբ.) եկեղեցիներից մեկում, որն այժմ գտնվում է Լուգանսկի Ժողովրդական Հանրապետության անջատողականների տիրապետության տակ:

Տեղեկացրե՛ք Ձեր մտերիմներին
| |
դեպի վեր