Ռուսաստանն ակնկալում է, որ այս շաբաթ Թեհրանում ձերբակալված ռուս լրագրող Յուլիա Յուզիկն ազատ կարձակվի: Նման հայտարարությամբ հանդես է եկել ՌԴ ԱԳՆ-ն Ասիայի Երկրորդ դեպարտամենտի տնօրեն Զամիր Կաբուլովը, հայտնում է РИА Новости գործակալությունը: Դիվանագետի խոսքով՝ Իրանում ՌԴ դեսպան Լևան Ջագարյանը հոկտեմբերի 5-ին հանդիպել է Իրանի ԱԳՆ աշխատակիցների հետ: «Դատավարությունն ավարտված է, և մենք հուսով ենք, որ շուտով եզրակացությունը կհրապարակվի»,- հայտնել է Կաբուլովը: |