Mamul.am
Ամբողջական տարբերակ
USD 476.57, EUR 524.89, RUB 7.40, GBP 602.53
+11 °C, +10 °C ... +23 °C Վաղը`+23 °C
Hay / Հայ | Рус | Eng | Tür
Պենտագոնը հայտարարել է Սիրիայի հյուսիսից զորքերի դուրս բերման մասին
14:45, 09.10.2019

ԱՄՆ զինված ուժերը դուրս են բերվել Սիրիայի հյուսիսից, քանի որ Թուրքիան որոշել է միակողմանի գործել։ Այս մասին հայտարարել է Պենտագոնի մամուլի ծառայության ներկայացուցիչ Ջոնաթան Հոֆմանը:
Նրա խոսքով՝ միևնույն ժամանակ, ԱՄՆ-ի ռազմական ներկայությունը Սիրիայում կմնա անփոփոխ:
Նա հավելել է, որ Պենտագոնը կարծում է, որ կայունությունը պահպանելու լավագույն միջոցը կլինի Սիրիայի հյուսիսում անվտանգության գոտու ստեղծումը:
«Պենտագոնի դիրքորոշումը եղել և մնում է նույնը՝ Սիրիայի հյուսիսում անվտանգության գոտու ստեղծումը կայունության պահպանման լավագույն միջոցն է: Ցավոք, Թուրքիան որոշել է միակողմանի գործել»,- ասվում է Պենտագոնի հայտարարության մեջ՝ փոխանցում է РИА Новости գործակալությունը։

Ավելի վաղ, ԱՄՆ նախագահ Դոնալդ Թրամփը հայտարարել էր, որ Թուրքիայի կողմից ցանկացած անհիմն ռազմական գործողություն «կործանարար հետևանքներ կունենա այդ երկրի տնտեսության համար»:

Տեղեկացրե՛ք Ձեր մտերիմներին
| |
դեպի վեր