+13 °C, +13 °C ... +26 °C Վաղը`+25 °C
«Դա պարոն Բալասանյանի անձնական կարծիքն է և որևէ կապ չունի պաշտոնական Ստեփանակերտի, Արցախի Հանրապետության դիրքորոշման հետ: Նա այդպես է մտածում: Ես չեմ ուզում մտնել ո՛չ բանավեճի մեջ, ո՛չ էլ այլ բան ասել: Կարծում եմ՝ պետք է ամեն ինչ անել, որպեսզի մեր միասնականությունն ուժեղանա և ոչ թե պառակտվի: Անընդունելի եմ համարում ցանկացած վիրավորանք, անհիմն հայտարարություն, գաղափարներ, որոնք խարխլում են Հայաստան-Արցախ-Սփյուռք եռամիասնությունը: Առավել ևս Արցախից հնչող բոլոր գաղափարները պետք է լինեն կրկնակի-եռակի հավասարակշռված, որովհետև Արցախը բոլորիս համար սրբություն է: Ոչ մեկ իրավունք չունի խարխլել մեր միասնականությունը՝ անկախ նրանից, թե ասողն ո՞վ է, ի՞նչ ճանապարհ է անցել, ի՞նչ պաշտոն ունի կամ չունի, կամ ի՞նչ դիրք է զբաղեցնում». MAMUL.am-ի թղթակցի հետ զրույցում, անդրադառնալով Վիտալի Բալասանյանի աղմկահարույց հարցազրույցին, ասաց Լեռնային Ղարաբաղի Հանրապետության նախագահի աշխատակազմի տեղեկատվության գլխավոր վարչության պետ, նախագահի աշխատակազմի ղեկավարի տեղակալ Դավիթ Բաբայանը: Նա նշեց, որ իր մոտեցումը որպես քաղաքական ուժի ներկայացուցիչ այն է, որ եթե անգամ կա քննադատություն, պետք է լինի առողջ, կառուցողական: Անընդունելի են ատելություն սերմանելը, հայհոյանքը, անեծքները: «Միայն մի բան հստակ կարող եմ ասել՝ որևէ մեկը ցանկացած մեկի հանդեպ վիրավորական արտահայտություններ անելու իրավունք չունի: Եթե կա մեղադրանք, ապա այն պետք է փաստարկված լինի»,-ամփոփեց Բաբայանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am