Ֆինլանդիան դատապարտել է Թուրքիայի ռազմական հարձակումը Սիրիայի վրա և սառեցրել այդ երկրին զենք վաճառելու լիցենզիայի տրամադրումը: Այս մասին հոկտեմբերի 10-ին հաղորդել է Yle հեռուստառադիոընկերությունը: Ֆինլանդիայի վարչապետ Անտի Ռիննեն հայտարարել է, որ Պետական խորհուրդը չի թողարկի Թուրքիային զենքի արտահանման նոր լիցենզիաները: Կառավարության ղեկավարի խոսքով` Թուրքիայի գործողությունները բարդացնում են տարածաշրջանում արդեն իսկ ստեղծված ճգնաժամը: «Մենք չափազանց մտահոգված ենք Սիրիայում հումանիտար իրավիճակով՝ Թուրքիայի ռազմական գործողությունների պատճառով»: |