ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
Արարատի մարզի 34-ամյա բնակիչը հրազենի գործադրմամբ սպանել է 31-ամյա համագյուղացուն
11:35, 12.10.2019 | mamul.am
5555 | 0

Երեկ հրազենի գործադրմամբ սպանություն է տեղի ունեցել Արարատի մարզում: Այս մասին հայտնում է Shamshyan.com-ը:

Ժամը 22:30-ի սահմաններում «Աստղիկ» բժշկական կենտրոնից ահազանգ է ստացվել ոստիկանության Մալաթիայի բաժին, որ «հրազենային բազմաբեկոր պոլիտրավմա» ախտորոշմամբ, արտաքին արյունահոսությամբ, հեմորագիկ շոկով իրենց մոտ է տեղափոխվել մի քաղաքացի:

Նշված անձը որոշ ժամանակ անց, հիվանդանոցում գիտակցության չգալով, մահացել է: Նա Արարատի մարզի Գեղանիստ գյուղի բնակիչ, 31-ամյա Սամվել Կարապետյանն էր:

Ոստիկանները պարզել են, որ Ս. Կարապետյանին հրազենային վնասվածքները պատճառել է համագյուղացին՝ 34-ամյա Արսեն Համբարձումյանը, որսորդական ողորկափող հրազենով, գյուղի կենտրոնական փողոցում:

Փաստի առթիվ Հայաստանի քննչական կոմիտեի Արարատի մարզային քննչական վարչության Մասիսի քննչական բաժնում ՀՀ քր. օր.-ի 104 հոդվածի 1-ին մասի և 235 հոդվածի 1-ին մասի հատկանիշներով հարուցվել է քրեական գործ:

Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ կասկածյալ Ա. Համբարձումյանին և հանցագործության գործիք հրազենը հայտնաբերելու ուղղությամբ:

Կիսվի՛ր այս նյութով՝
դեպի վեր