ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+10 °C, +3 °C ... +13 °C Վաղը`+16 °C
Նիկոլ Փաշինյանը Վլադիմիր Պուտինի հետ հեռախոսազրույց է ունեցել
15:35, 12.10.2019 | mamul.am
5130 | 0

Հոկտեմբերի 12-ին ՀՀ վարչապետ Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ. տեղեկացնում է Կառավարության պաշտոնական կայքը:

Նշվում է, որ երկու երկրների առաջնորդները՝ ի շարունակություն նախօրեին Աշխաբադում ԱՊՀ գագաթաժողովի շրջանակում ունեցած զրույցի՝ քննարկել են Սիրիայի հյուսիսում ստեղծված իրավիճակը։

Անդրադարձ է կատարվել նաև տարածաշրջանային նշանակության այլ հարցերի։

Հավելենք, որ հեռախոսազրուցը տեղի է ունեցել ««Իմ քայլը» հանուն Արագածոտնի մարզի» ներդրումային համաժողովի ընթացքում: Լրագրողները նկատել են, որ Ն. Փաշինյանը 20-25 րոպեով դուրս է եկել դահլիճից: Վերադարձից հետո, պատասխանելով վերջինների հարցին՝ արդյոք առողջական կամ այլ խնդիրնե՞ր կան, վարչապետն ասել է. «Որևէ խնդիր չկա, աշխատանքային քննարկում է տեղի ունեցել»:

Կիսվի՛ր այս նյութով՝
դեպի վեր