Էկվադորի իշխանությունները որոշել են չեղարկել բենզինի գները չսուբսիդավորելու հրամանագիրը, որի պատճառով սկսվել էին բողոքի զանգվածային ցույցեր, հայտնում է El Comercio-ն: Ի պատասխան այս քայլի՝ ցուցարարները համաձայնել են դադարեցնել ցույցերը: Հիշեցնենք, որ հոկտեմբերի սկզբից սկսված ցույցերի հետևանքով կաթվածահար էր եղել երկրի մի շարք քաղաքների տրանսպորտային համակարգը, ձերբակալվել էր մոտ 275 մարդ, ցույցերի ժամանակ վնասվածքներ էր ստացել 28 ոստիկան: |