Նախորդ շաբաթվա վերջին ԱՄՆ Պետդեպարտամենտը և ԱՄՆ էներգետիկայի նախարարության ներկայացուցիչները քննարկել են Թուրքիայում տեղակայված «Ինջիրլիք» ամերիկյան ռազմակայանից մոտ 50 մարտավարական միջուկային զենքերը հեռացնելու հնարավորությունը, հայտնում է The New York Times-ը՝ վկայակոչելով իր աղբյուրներին: Զրուցակիցներից մեկի խոսքով, ըստ էության, այդ զենքերը «պատանդ» են մնացել Թուրքիայի նախագահ Ռեջեփ Թայիփ Էրդողանի մոտ, ռազմակայանից դուրս բերումը կնշանակի ամերիկա-թուրքական համագործակցության դե ֆակտո ավարտը: |