«Այո, ներպետական օրենքն ասում է, որ ամբաստանյալի ներկայությունը պարտադիր է, սակայն Եվրոպական դատարանն ունի մի շարք վճիռներ, որոնց համաձայն՝ արդար դատաքննության իրավունքից օգտվելը կամ չօտգվելն անձի իրավունքն է և ոչ թե պարտականությունը: Մենք, ամեն դեպքում, Ռ. Քոչարյանի դիրքորոշումը կհայտնենք: Իսկ թե դատարանն ինչ կորոշի, թողնենք դատարանին». հոկտեմբերի 15-ին «Մարտի 1-ի» գործով դատավարությունից առաջ լրագրողների հետ ճեպազրույցում ասաց Ռ. Քոչարյանի պաշտպանական խմբի անդամ Հայկ Ալումյանը՝ անդրադառնալով իր պաշտպանյալի՝ նիստին չմասնակցելու փաստին: Հ. Ալումյանը նշեց, որ Ռ. Քոչարյանի՝ նիստին մասնակցությունն աննպատակահարմար է համարել նրա բժիշկը: Նա նկատեց, որ տվյալ պահին չկա այնպիսի միջնորդություն, որը հնարավոր չէ ներկայացնել դատական հաջորդ նիստին: Հիշեցնենք՝ Ռոբերտ Քոչարյանն «Իզմիրլյան» բժշկական կենտրոն էր տեղափոխվել հոկտեմբերի 8-ին, իսկ հոկտեմբերի 9-ին՝ վիրահատվել: |