Իրավապաշտպան Ժաննա Ալեքսանյանը ֆեյսբուքյան իր էջում գրել է. «Հանրությունից մերժված Հրայր Թովմասյանը չի հեռանա ՍԴ-ից մինչև իր պաշտոնավարման ժամկետի ավարտը: Այս մասին նա հայտարարեց երեկ, բավականին լուրջ դեմքով, իբր ինքը համոզմունքներով է առաջնորդվում: Մերժված լինելու դեպքում համոզմունքը չի աշխատում: Իսկ Հրայր Թովմասյանն իրոք մերժված է և այս պարագայում հեռանալն է ճիշտ: Ցանկացած մարդ գիտի իր մերժված լինելու մասին և պետք չէ այն խորացնել: Դուք շարունակելու եք ապրել Հայաստանում, և այդ զգացումը միայն ձեր դեմ է աշխատելու: Էնպես որ հեռացեք, որքան շուտ, այնքան լավ ձեզ համար: Հիշում եք` ոնց հեռացավ Աղվան Հովսեփյանը գլխավոր դատախազությունից՝ շենքի պատերը պաչելով»: |