Լոռու մարզպետ Անդրեյ Ղուկասյանը ֆեյսբուքան իր էջում գրել է. «Շնողի բժշկական ամբուլատորիայի երկրորդ հարկը Շնողի նախկին համայնքապետ Քոչինյանը՝ նախկին մարզպետ Հենրիկ Քոչինյանի եղբայրը, տարիներ առաջ օտարել է իր աղջկան անտրամաբանական ցածր գնով` ընդամենը 600.000 դրամով: Տարիներ անց պարզվում է, որ նույնիսկ այդ ծիծաղելի գումարը չի վճարվել համայնքային բյուջե: Նման փաստեր հայտնաբերելուց վաղուց այլևս չեմ զարմանում: Մի բան հաստատ է. հետևողական եմ լինելու նաև այս հարցում, որպեսզի գույքը վերադարձվի համայնքին: Շինությունը գտնվում է համայնքի կենտրոնում և կարող է ծառայել համայնքային որևէ խնդրի լուծման համար»: |