+19 °C, +14 °C ... +27 °C Վաղը`+28 °C
«Հսկիչ դրամարկղային մեքենաների առաջին խմբաքանակը այս ամսվա վերջին կլինի: Սեպտեմբեր էր նախանշված, բայց ՀԴՄ դաշտn ազատականացնողները մեկ տարի առաջ չէին պատկերացնում, որ ՀԴՄ-ն միայն այն արտադրելն ու ներմուծելը չէ, ՀԴՄ-ն ունի բազմաֆունկցիոնալ օրենսդրությամբ սահմանված պահաջներ, որոնք պետք է բավարարել: Եվ դրա համար պետք է ծրագրավորում արվի, պետք է POS տերմինալները սերտիֆիկացիա անցնեն, և այդ բոլորը պետք է պլանավորվեր, որը ոչ ոք չէր արել: Եվ դա պետք է ոչ թե ՊԵԿ-ն աներ, այլ այն տնտեսվարողները, ովքեր այդ ոլորտում գործունեություն իրականացնելու ցանկություն ունեին». հոկտեմբերի 16-ին հրավիրած մամուլի ասուլիսում ասաց ՊԵԿ նախագահ Դավիթ Անանյանը՝ ի պատասխան այն հարցի, թե ինչու նախապես խոստացած ժամկետում՝ սեպտեմբերին չներմուծվեցին հսկիչ դրամարկղային մեքենաները: ՊԵԿ նախագահն ասաց, որ իրենք կարծում էին, որ իրենց ունեցած 13 հազար 900 ՀԴՄ-ները կբավարարեին մինչև ազատականացման փուլը: Ըստ Դ.Անանյանի՝ ՊԵԿ-ը կառավարության որոշման մի նախագիծ է պատրաստել, որով տնտեսվարողներին POS տերմինալները սերտիֆիկացնելու համար 6-ամսյա ժամկետ կտրվի: ՊԵԿ տվյալներով՝ ոլորտում գործունեություն իրականացնելու ցանկություն է հայտնել 14 ընկերություն, սակայն ներկա դրությամբ դրանցից միայն 5-ն է, որ մինչև տարեվերջ կկարողանա իրագործել իր բիզնես մտադրությունները: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am