«Համայնքային համախմբման և աջակցության կենտրոն» ՀԿ ղեկավար Օլեգ Դուլգարյանը ֆեյսբուքյան իր էջում գրել է. «Կարդում եմ Ախթալայի ԼՀԿ-ին պատկանող «Նահատակ» արդյունաբերական պոչամբարի՝ 2017 թվականին իրականացված մի պետական փորձաքննության բնութագիրը ու ապշում եմ:
Գրված է, որ պոչամբարը գտնվում է Մեծ Այրում գյուղից 6.5 կիլոմետր հեռավորության վրա:
Հո չեʹք ցնդել, արա, պոչամբարը գյուղին ամինջապես կից է գտնվում, բնակելի տներից 50 մետրի վրա: Էս ի՞նչ կեղծիք է: Հավանաբար ինչ որ տեղական կամ միջազգային փաստաթղթերով անթույլատրելի է, որ պոչամբարը համայնքին այդքան մոտ լինի և այդպիսի կեղծիքներ են արել:
Ոչինչ , կպարզենք և պետությունը ստիպված կլինի հատուցել գյուղի մահացող գյուղատնտեսության և մարդկանց օրեցօր վատթարացող առողջության համար»: