Իսպանական Juegaterapia հիմնադրամը որոշել է յուրահատուկ տիկնիկների ցուցահանդես կազմակերպել, որի ամբողջ հասույթը կգնա քաղցկեղով հիվանդ երեխաների բուժմանը: Այս տիկնիկները քաղցկեղով հիվանդ երեխաներին օգնում են պայքարել ու հավատալ: Նրանք մի առանձնահատկություն ունեն, բոլորն էլ զուրկ են մազերից և մազերի փոխարեն կրում են տարատեսակ գլխանոցներ: Նման տիկնիկների պահանջարկը չափազանց մեծ է: Հայտնի է, որ արդեն վաճառվել է ավելի քան մեկ միլիոն օրինակ: |