Իրավապաշտպան Արթուր Սաքունցը ֆեյսբուքյան իր էջում գրել է. «Շատ եմ ափսոսում Սարհատի հրաժարականի համար, բայց, Սարհատի ներկայացրած հիմնավորումները՝ հրաժարականի հետ կապված, բարձրացված հարցերն ավելի շատ են մտահոգում: Սարհատ Պետրոսյանի նման մտածող, իր ողջ էությամբ մտավորական անհատի ներկայությունը կառավարման համակարգում միմիայն պատիվ կբերի ցանկացած ժողովրդավարական իշխանությանը: Որպես պատասխանատու անհատ՝ նա ոչ թե դուռը շրխկացնելով է հեռանում, այլ բարձրացնում է վերստին պետական նշանակության հարցեր: Պետք է տրվեն բացատրություններ և պարզաբանումներ՝ հիշատակված պաշտոնատար անձանց կողմից: Բայց ոչ միայն պարզաբանումներ, այլև խնդիրների լուծման վերաբերյալ իրենց մոտեցումները պետք է ներկայացնեն: Մենք պետք է և իրավունք ունենք տեղեկանալու մի ամբողջ կարևոր բնագավառում իրականացվող քաղաքականության մասին պարազաբանումներ»: |