Կատալոնիայում շարունակվում են ոստիկանության և ցուցարարների միջև բախումները, որի հետևանքով անցած գիշեր առնվազն 89 մարդ վիրավորվել է, հաղորդում է El Pais թերթը: Վիրավորների մեծ մասը՝ 60 մարդ վնասվածք է ստացել Բարսելոնայում:
Նախօրեին Կատալոնիայում համընդհանուր գործադուլ հայտարարվեց: Բազմահազարանոց ցույցեր տեղի ունեցան տարբեր քաղաքներում։ Իրավապահ մարմինները արցունքաբեր գազ ու ջրցան մեքենաներ կիրառեցին:

Հիշեցնենք՝ Իսպանիայի Գերագույն դատարանը Կատալոնիայի անջատողականների 9 ղեկավարների 2019-ի հոկտեմբերի 15-ին դատապարտել էր 9-13 տարվա ազատազրկման՝ անկախության հանրաքվե անցկացնելու համար: