Հայաստանի պաշտպանության նախարարի մամուլի քարտուղար Արծրուն Հովհաննիսյանը ֆեյսբուքյան իր էջում գրել է. «Շամշյանը կրկին վթարի մասին է հայտնել ու կրկին զինծառայողների մասին: Ինձ հարց են տալիս, թե ինչո՞ւ էր ժամկետային զինծառայողը Land Rover մակնիշի մեքենա վարում և այլն: Պարոն Շամշյան, որ նյութը տալիս ես, երկար թվարկելով բոլոր պատասխանատու անձանց թե ով ինչ արեց, իր պարտականությունները ինչպես կատարեց, կարելի էր նաև ճշտել, որ այդ ժամկետային զինծառայողը, այդ թանկարժեք մեքենայի սեփականտերը ծառայում է հեռավոր զորամասերից մեկում և հիմա գտնվում է օրինական արձակուրդում»: