Mamul.am
Ամբողջական տարբերակ
USD 476.69, EUR 528.46, RUB 7.47, GBP 617.03
0 °C, -1 °C ... +6 °C Վաղը`+6 °C
Hay / Հայ | Рус | Eng | Tür
«Օրենսդրական փոփոխությունները չպետք է դառնան պատուհաս քաղաքացիների համար». Վլադիմիր Վարդանյան
13:25, 21.10.2019

«Այս օրենսդրական փոփոխությունները չպետք է դառնան պատուհաս քաղաքացիների համար: Քաղաքացիներն արդեն բավական ժամանակ օրենքի այս կամ այն դրույթի ոչ հստակ կարգավորումից տուժել են». հոկտեմբերի 21-ին ԱԺ պետական-իրավական հարցերի մշտական հանձնաժողովի արտահերթ նիստում հայտարարեց հանձաժողովի նախագահ Վլադիմիր Վարդանյանը: Իսկ դրա առիթը օրենսդրական փոփոխություներում նկատված հակասություններն էին, ինչպես նաև փաստաթղթի վերջնական տարբերակի բացակայությունն ու աշխատանքային տեխնիկական խնդիրները: Հանձնաժողովն ի վերջո որոշեց հարցի քննարկումը կազմակերպել առաջիկա օրերին:
Հիշեցնենք, որ օրակարգում «ՀՀ վարչական իրավախախտումների վերաբերյալ» և «ՀՀ վարչական դատավարության» օրենսգրքերում փոփոխություններն էին: Առաջարկվում է սահմանել մի դրույթ, որի համաձայն՝ վարչական իրավախախտումների վերաբերյալ վարչական ակտերը կարող են վիճարկվել դատական կարգով միայն վարչական կարգով բողոքարկվելուց հետո: Օրինագիծն առաջին ընթերցմամբ ընդունվել էր սեպտեմբերի 16-ին: Այն ժամանակ օրենսդրական փոփոխությունների հեղինակ, «Իմ քայլից» պատգամավոր Նիկոլայ Բաղդասարյանն ասել էր, թե փոփոխությունները կհանգեցնեն նրան, որ կնվազի դատարանների ծանրաբեռնվածությունը:

Տեղեկացրե՛ք Ձեր մտերիմներին
| |
դեպի վեր