Mamul.am
Ամբողջական տարբերակ
USD 477.57, EUR 526.28, RUB 7.48, GBP 614.78
+1 °C, -1 °C ... +8 °C Վաղը`+8 °C
Hay / Հայ | Рус | Eng | Tür
Հրապարակվել է ռետրո տեսանյութ՝ ողբերգության վերածված Balloonfest փառատոնից
23:45, 21.10.2019

Topic ստուդիան Vimeo-ում հրապարակել է կարճամետրաժ փաստավավերագրաան ֆիլմ Balloonfest փուչիկների փառատոնից, որը տեղի է ունեցել 1986 թվականին Քլիվլենդում: Այս միջոցառման շնորհիվ United Way կազմակերպությունը մտադիր էր բարեգործություն անել ու համաշխարհային ռեկորդ սահմանել: Միջոցառմանը պատրաստվել են կես տարի: Նախապես պլանավորված է եղել օդ բաց թողնել 2 միլիոն փուչիկ, բայց կանգ են առել 1,4 միլիոնի վրա, քանի որ եղանակը փչանալիս է եղել:

Balloonfest փառատոն

Քանի որ այդքան փուչիկ միաժամանակ փչելն անհնար է եղել, կազմակերպիչները նախօրոք հսկայական ցանց են կապել երրորդ հարկի բարձրության վրա ու ամբողջ գիշեր փչած փուչիկները կուտակել այդ ցանցի տակ:

Balloonfest փառատոն
Փչելու պրոցեսին մասնակցել է 2500 ուսանող:

1986 թվականի սեպտեմբերի 27-ին ժամը 13:50-ին ցանցը պատռել են, և բոլոր փուչիկներն օդ են բարձրացել:

Balloonfest փառատոն
Մի քանի մղոն անցնելուց հետո փուչիկները բաժանվել են տարբեր ուղղությունների: Բախվելով սառը ցիկլոնի ու քամու հետ՝ դրանք շուտով սկսել են թափվել գետնին՝ Օհայոյի փողոցների ու դաշտերի, անտառների ու գետերի վրա: Ընդ որում, երկնքում մնացած փուչիկները կաթվածահար են արել օդային տրանսպորտի աշխատանքը: Տեղի օդանավակայանը դադարեցրել է աշխատանքը, ավելացել է ՃՏՊ-ների թիվը:
Balloonfest փառատոն

Բացի այդ, միջոցառման օրը երկու ձկնորսների ընտանիքներ հայտնել են նրանց անհետացման մասին: Ափամերձ պահակախումբն արագ գտել է նրանց նավակը, սակայն չի կարողացել հասնել նրանց՝ ջրի վրա լողացող հսկայական թվով փուչիկների պատճառով: Երկու օր անց ձկնորսների անշնչացած մարմինները ջուրն ափ է նետել:

Տեղեկացրե՛ք Ձեր մտերիմներին
| |
դեպի վեր