Mamul.am
Ամբողջական տարբերակ
USD 477.46, EUR 526.02, RUB 7.42, GBP 613.63
+6 °C, +1 °C ... +12 °C Վաղը`+12 °C
Hay / Հայ | Рус | Eng | Tür
«Երևի լավագույն կարգավորումն է եղել նախկին իշխանությունների կողմից». Մեսրոպ Առաքելյան
21:10, 22.10.2019

Հասարակական հիմունքներով վարչապետի խորհրդական Մեսրոպ Առաքելյանը ֆեյսբուքյան իր էջում գրել է. «Եկամտային հարկից հիփոթեքային վարկի տոկոսադրույքի վերադարձի համակարգը երևի լավագույն կարգավորումն է եղել նախկին իշխանությունների կողմից ընդունված հարկային օրենսգրքում: Եվ համակարգում նոր սահմանափակումների մասին խոսելը, առկա սահմանափակումները պաշտպանելը միայն խոչընդոտներ է առաջացնում և առաջացնելու:

Ամեն ինչ միայն թվաբանություն չէ և բյուջեի եկամուտ-ծախսի տրամաբանություն նայել այս հարցին, նույնն է, որ մարդկանց թոշակ չտանք, թոշակառուները հարկ չեն վճարում:

Բնակարանաշինությունը Հայաստանում ոչ թե տնտեսական կամ սոցիալական խնդիր է լուծում, այլ առաջին հերթին ԱՆՎՏԱՆԳՈՒԹՅԱՆ: Մեր բնակֆոնդի 90%-ից ավելին շուտափույթ փոխման կարիք ունի և պետք է կառուցել շատ-շատ բնակարաններ, և ունենալ շատ-շատ արտոնություններ՝ և կառուցապատողների և բնակիչների համար: Պետությունը ոչ միայն պետք է մարդկանց խրախուսի, այլ նաև "պարտադրի" նոր բնակարաններ գնել:
Բնակարաշինությանն խթացմանն ուղղված ցանկացած ծախս արդարացված է, քանի որ դա ներքին անվտանգությանն ուղղված կարևորագույն ծախս է:

Դավադրությունների տեսության սիրահարներին՝ բա որ երկրաշարժ եղավ՝ առանց սահմանափակումների»:

Տեղեկացրե՛ք Ձեր մտերիմներին
| |
դեպի վեր