Google ընկերությունը ներկայացրել է արհեստական բանականության հիման վրա ստեղծված տեխնոլոգիան, որը թույլ կտա ավելի լավ հասկանալ որոնողական համակարգերը։ Արդիականացված ալգորիթմների կիրառումը խոշորագույն թարմացումն է վերջին հինգ տարվա ընթացքում, հայտնում է ընկերությունը իր բլոգում: Այժմ որոնողական համակարգը վերլուծելու է ոչ թե անհատական բառերը, այլև ամբողջական, երկար և բարդ նախադասությունները: Ըստ Google-ի, այս տեխնոլոգիան տալիս է ավելի ճշգրիտ արդյունքներ: Ընկերությունում կարծում են, որ օգտատերերը կստանան իրենց հարցերի ճշգրիտ պատասխանները, որը թույլ կտա ավելի հաճախ տեղեկատվություն փնտրել, ինչն էլ կմեծացնի թրաֆիկը:

Financial Times պարբերականը նշում է, որ լեզվի բնական մշակման տեխնոլոգիան բավականին բարդ երևույթ է արհեստական բանականության համար, քանի որ լեզվի ընկալումը փոփոխական է: Բառերի իմաստը կարող է փոխվել՝ կախված նրանից, թե ով ու ինչ իմաստով է կիրառում այս կամ այն բառը: