+23 °C, +15 °C ... +25 °C Վաղը`+26 °C
«Նոր իշխանությունները եկան առանց քաղաքական օրակարգի, իրենց հետ չբերեցին քաղաքական մտածողություն և քաղաքական պատկերացումներ, այդ իսկ պատճառով այն, ինչ ձևավորվել է Հայաստանում հեղափոխությունից հետո, քիչ առնչություն ունի քաղաքականության հետ, ավելի շատ առնչվում է քաղաքական տեխնոլոգիաների և քաղաքական շոուների հետ»,- «168 TV»-ի եթերում ասել է Մամուլի ազգային ակումբի նախագահ Նարինե Մկրտչյանը: Նրա խոսքով՝ իր համար թերթի խմբագիր Նիկոլ Փաշինյանն ու վարչապետ Նիկոլ Փաշինյանը տարբեր մարդիկ են. «Այն հատկությունները, որ ես գնահատում և տեսնում էի անցյալում, այսօր արագորեն պակասում են, որովհետև իշխանությունը, ի վերջո, նաև ծայրահեղ հնարավորությունների, դրսևորումների, մարդուն իրականում տեսնելու հնարավորություն է տալիս, և պետք է ասել, որ նրանք տարբեր մարդիկ են՝ ի վնաս Նիկոլ Փաշինյան վարչապետի»,- ընդգծել է նա: Ըստ Մկրտչյանի՝ հեղափոխությունից հետո Հայաստանում իշխանության բնույթը չի փոխվել. «Հեղափոխությունը նրա համար չէր, որ արտոնյալների մի խումբ փոխարինվեր մեկ այլ խմբով, հեղափոխության նպատակներից մեկն արդարության հաստատումն էր հենց պետական համակարգում: Սակայն, երբ պետական բյուջեին վերաբերվում ես որպես քո սեփական ընտանեկան բյուջեի, ընդ որում՝ նույնիսկ ընտանեկան բյուջեն այդպես չեն ծախսում, չեն մսխում, ապա լուրջ խնդիրներ են առաջանում: Հեղափոխական իշխանությունը սկսել է լրջորեն չարաշահել իշխանությունը»,- ասել է նա: Առավել մանրամասն՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am