Արդեն հայտնել էինք, որ Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժնում քննվող քրեական գործի շրջանակներում վկայի կարգավիճակով հարցաքննվել է Արծվիկ Մինասյանը: Լրագրողները հետաքրքրվեցին՝ կապ ունի՞ արդյոք դա Արայիկ Հարությունյանի հայտարարության ու ՀՅԴ ՀԵՄ-ի ցույցերի հետ: «Չէ, կապ չկա, որովհետև նախապես էր տեղեկացումը եկել: Ի դեպ, սա թվով 5-րդն էր՝ տարբեր գործերով որպես վկա ներգրավված եմ»,- ասաց Արծվիկ Մինասյանը: |