«Սուտ և զրպարտություն»,- այսպես է որակել փոխվարչապետ Տիգրան Ավինյանի խորհրդական Ավետիք Էլոյանը Կադաստրի պետական կոմիտեի նախկին նախագահ Սարհատ Պետրոսյանի այն հայտարարությունը, որում վերջինը Էլոյանին մեղադրում էր «կոռումպացվածության հասնող թայֆայականության» մեջ: «Այն որ ես ամենախոշոր նախագծային կազմակերպության սեփականատերն եմ, բացարձակապես սուտ է, ես ոչ մի բանի սեփականատեր չեմ: Իրականում Պետրոսյանը երևի ակնարկում է եղբորս, որը նույնպես ճարտարապետ է, ունի կազմակերպություն, որի մասին, ենթադրում եմ, որ ինքը խոսում ա: Կազմակերպությունում աշխատում են 4 ճարտարապետ, չէի ասի, որ դա ամենամեծ կազմակերպությունն ա»,- Հանրային հեռուստաընկերության եթերում ասել է Էլոյանը: Նա նշել է, որ որևէ նախագծում չունի անձնական ներդրում: Անդրադառնալով «թայֆայականությանը»՝ Էլոյանն ասել է. «Չէ, տենց բան, բնականաբար, չկա: Էնքան փոքր ա ճարտարապետական միջավայրը Հայաստանում, որ ես ում հետ շփվում եմ, բոլորն էլ իմ ընկերներն են, ու ով էլ նախագիծ ստանա, կարող են ասել, որ սա թայֆայականություն է»: Մանրամասները՝ տեսանյութում: |