Mamul.am
Ամբողջական տարբերակ
USD 476.98, EUR 527.68, RUB 7.46, GBP 615.73
+5 °C, 0 °C ... +8 °C Վաղը`+7 °C
Hay / Հայ | Рус | Eng | Tür
Թբիլիսիում ցուցարարները շարունակում են պայքարը միասեռականների մասին ֆիլմի ցուցադրման դեմ
14:00, 09.11.2019

Ինչպես հայտնել էինք, Վրաստանի կինոթատրոններում «Եվ հետո մենք պարեցինք» ֆիլմի պրեմիերան մեծ աղմուկ է բարձրացրել: Ռեժիսորը ծագումով վրացի շվեդ ռեժիսոր Լևան Ակինին է:
Միասեռականների կյանքի մասին պատմող ֆիլմի ցուցադրությունն անցել է ցույցերի ներքո:

Ըստ «Ալիք մեդիայի»՝ «Վրացական քայլերթի» անդամները, Լևան Վասաձեի աջակիցները և այլ քաղաքացիներ ժամեր շարունակ փորձել են մտնել շենք և խափանել ցուցադրումը: Նրանք անջատել են կինոթատրոնների լույսերը, պայթուցիկ սարքեր նետել կինոթատրոնի ուղղությամբ: Վրաստանում ֆիլմի ցուցադրության դեմ բողոքել են «Վրացական մարշ» կազմակերպությունը, ազգայնականները, վրաց ուղղափառ եկեղեցին, սակայն կառավարությունը հավանություն է տվել ֆիլմի ցուցադրությանը:

Վրաստանում Ամերիկայի Միացյալ Նահանգների դեսպանատունն այսօր հայտարարություն է տարածել՝ նշելով, որ ակցիայի ընթացքում հակաամերիկյան հայտարարություններ են հնչել և կեղծ տեղեկատվություն է տարածվել։ Դեսպանությունն իր քաղաքացիներին զգուշության կոչ է արել՝ կապված ակցիաների հետ։

Տեղեկացրե՛ք Ձեր մտերիմներին
| |
դեպի վեր