Ինչպես հայտնել էինք, Վրաստանի կինոթատրոններում «Եվ հետո մենք պարեցինք» ֆիլմի պրեմիերան մեծ աղմուկ է բարձրացրել: Ռեժիսորը ծագումով վրացի շվեդ ռեժիսոր Լևան Ակինին է: Ըստ «Ալիք մեդիայի»՝ «Վրացական քայլերթի» անդամները, Լևան Վասաձեի աջակիցները և այլ քաղաքացիներ ժամեր շարունակ փորձել են մտնել շենք և խափանել ցուցադրումը: Նրանք անջատել են կինոթատրոնների լույսերը, պայթուցիկ սարքեր նետել կինոթատրոնի ուղղությամբ: Վրաստանում ֆիլմի ցուցադրության դեմ բողոքել են «Վրացական մարշ» կազմակերպությունը, ազգայնականները, վրաց ուղղափառ եկեղեցին, սակայն կառավարությունը հավանություն է տվել ֆիլմի ցուցադրությանը: Վրաստանում Ամերիկայի Միացյալ Նահանգների դեսպանատունն այսօր հայտարարություն է տարածել՝ նշելով, որ ակցիայի ընթացքում հակաամերիկյան հայտարարություններ են հնչել և կեղծ տեղեկատվություն է տարածվել։ Դեսպանությունն իր քաղաքացիներին զգուշության կոչ է արել՝ կապված ակցիաների հետ։ |