Բոլիվիայի նախագահ Էվո Մորալեսը նոյեմբերի 10-ին հայտարարել է, որ հրաժարական է տալիս, հաղորդում է Интерфакс-ը։ Մորալեսի խոսքով՝ որոշում է կայացրել պաշտոնաթող լինել, որպեսզի «ընդդիմության առաջնորդները, ովքեր հեղաշրջում էին կազմակերպել, դադարեցնեն այրել հասարակ մարդկանց տները»:

Նշվում է, որ հրաժարականի դիմումներ են ներկայացրել նաև Բոլիվիայի խորհրդարանը, երկրի փոխնախագահ Ալվարո Գարսիա-Լիները և բարձրաստիճան մի շարք պաշտոնյաներ:
Ավելի վաղ Բոլիվիայի զինված ուժերը պարտադրել են նախագահին պաշտոնաթող լինել: Ընդդիմությունն ու արհմիությունները հանդես են եկել նույն կոչով:
Հիշեցնենք, որ Բոլիվիայում կայացած նախագահական ընտրություններից հետո, որտեղ հաղթել էր Էվո Մորալեսը, սկսվել էին բողոքի լայնածավալ ակցիաներ:

Ակցիայի մասնակիցները երկրի իշխանություններին մեղադրում էին ընտրակեղծիքների մեջ, ավելի ուշ ընտրակեղծիքները հաստատվել էին Ամերիկյան պետությունների կազմակերպության դիտորդները:

Բոլիվիայում բողոքի ակցիաների ընթացքում ընդդիմության ներկայացուցիչները գրավել էին Patria Nueva պետական ռադիոկայանը և Bolivia TV պետական հեռուստաալիքը: