ՄԱՄՈՒԼ.ամ
Hay / Հայ | Рус | Eng | Tür
USD 507.90, EUR 606.64, RUB 7.03, GBP 709.23
+16 °C, +15 °C ... +28 °C Վաղը`+27 °C
Լիբիայի ՆԳՆ-ը Ռուսաստանին մեղադրում է պատերազմ հրահրելու մեջ
17:15, 11.11.2019
5571 | 0

Լիբիայի կառավարության ներքին գործերի նախարարը՝ Ֆաթհի Բաշագը մեղադրում է Ռուսաստանին պատերազմ հրահրելու մեջ՝ երկրի նավթարդյունահանող շրջաններում իր ազդեցության ընդլայնման համար: Պաշտոնյան կոչ է արել Միացյալ Նահանգներին օգնել լուծելու հակամարտությունը, գրում է Bloomberg-ը:

Ըստ Բաշագի, Լիբիայի կառավարության և Միացյալ Նահանգների համագործակցության շնորհիվ սեպտեմբերին ուժգին ավիահարվածների ենթարկվեցին ԴԱԻՇ խմբավորման զինյալները: Բայց գեներալ Խալիֆ Հաֆթարի խմբի կողմից սկսված պատերազմի պատճառով ահաբեկչական կազմակերպությունը կարողացավ վերակազմավորվել: Եվ հակամարտությունը կարգավորելու ՄԱԿ-ի ջանքերը չեզոքացան, երբ ռուսաստանցի վարձկանների «Վագներ» խմբի (ռուսական ոչ պետական ռազմական կազմակերպություն) ղեկավար Եվգենի Պրիգոժինը գործողություններ սկսեց, նրանք ներկայում կռվում են Տրիպոլիի մերձակայքում գտնվող Հաֆթարի ուժերի հետ:
«Ռուսները միջամտեցին, որպեսզի սաստկացնեն ճգնաժամը, այլ ոչ թե լուծում գտնեն»,- հայտարարել է նախարարը:

Կիսվի՛ր այս նյութով՝
| |
դեպի վեր