ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
Դատարանը քննում է Ռ. Քոչարյանի պաշտպանների՝ դատավորին ու դատախազին ինքնաբացարկ հայտնելու միջնորդությունը
14:15, 12.11.2019 | mamul.am
3550 | 0

Նոյեմբերի 12-ին ՀՀ երկրորդ նախագահ Ռոբերտ Քոչարյանի և մյուսների գործի դատական նիստին պաշտպան Հովհաննես Խուդոյանը դատավոր Աննա Դանիբեկյանին ու մեղադրող դատախազ Պետրոս Պետրոսյանին ինքնաբացարկ հայտնելու միջնորդությամբ հանդես եկավ: Ըստ փաստաբանի՝ վերջին մի քանի նիստերի վճիռները և դրանցից հետո պաշտպաններին հասանելի դարձած տեղեկատվությունը հիմք են տվել նման միջնորդությամբ հանդես գալու:

«Գրավ կիրառելու մերժումները ոչ թե փաստական հիմքերով են, այլ իրավական պատճառաբանությամբ: Դատարանն արձանագրել է, որ գրավի ինստիտուտը երաշխիք չէ խոչընդոտելու հիմքի առկայության պայմաններում»,- նշեց պաշտպանը: Նրան միացան նաև պաշտպանական խմբի մյուս անդամները՝ Արամ Վարդևանյանը, Ռուբեն Սահակյանն ու Հայկ Ալումյանը: Ինչպես հիշեցրեց Հ.Ալումյանը, հենց դատավոր Աննա Դանիբեկյանն է ավելի վաղ այլ գործով քննությանը խոչընդոտելու վտանգի առկայության դեպքում գրավ կիրառել՝ հղում անելով Եվրոպական կոնվենցիային:

«Դուք երկակի մոտեցում եք դրսևորում այս դեպքում, որովհետև ամբաստանյալը Ռ.Քոչարյանն է»,- ասաց նա:

Այժմ խնդրո առարկա հարցի վերաբերյալ իրենց դիրքորոշումներն են հայտնում տուժող կողմերի ներկայացուցիչները:

Կիսվի՛ր այս նյութով՝
դեպի վեր