ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +3 °C ... +13 °C Վաղը`+16 °C
«Հեղափոխությունն ամենաուժեղ հարվածը հասցրեց հենց այս երիտասարդներին». Գրիգոր Երիցյան
03:15, 13.11.2019 | mamul.am
4833 | 0

Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է. «Ամենազզվելի երևույթն ինձ համար եղել և մնում է կուսակցությունների կողմից երիտասարդների օգտագործումը որպես դեկորացիա:

Հեղափոխությունն ամենաուժեղ հարվածը հասցրեց հենց այս երիտասարդներին, ովքեր միջինից ցածր ունակություններով, բայց մեծ ամբիցիաներով ուսխորհուրդներում ու երիտթևերում ժամանակ էին սպանում` հույս ունենալով, որ մի պայծառ օր կմոտենան իշխանության կերակրամանին, քաղաքական կարիերա կկառուցեն, չաղ ու բախտավոր կապրեն պետական բյուջեի հաշվին:

Երիտասարդների այս շերտը հեղափոխությունից հետո իրեն խաբված ու օգտագործված է զգում, հավասար պայմաններում չի կարողանում մրցակցել, չգիտի` ինչպես առանց հովանավորչության կառուցի իր սեփական ապագան: Ու բողոքի արհեստական ակցիաներում այս երիտասարդներին որպես գործիք օգտագործելը ևս մի հարված է նրանց առանց այն էլ ընկած ինքնագնահատականին: Շատ եմ ցավում»:

Կիսվի՛ր այս նյութով՝
դեպի վեր