+25 °C, +14 °C ... +25 °C Վաղը`+28 °C
«Մենք ունենք մի քանի միջնորդություններ՝ կապված գործի վարույթը կարճելու, ապացույցների թույլատրելիության հետ: Դեռ չենք սպառել այն միջնորդությունները, որոնք պետք է տրվեն դատարանին». նոյեմբերի 12-ին դատական նիստից հետո լրագրողների հետ ճեպազրույցում ասաց Ռ. Քոչարյանի պաշտպան Հովհաննես Խուդոյանը՝ ի պատասխան այն հարցի, թե հնարավո՞ր է իրենց կողմից այլ միջնորդություններով հանդես գալը: Իսկ թե երբ դատարանը կանցնի դատական վիճաբանությունների փուլին, Հ. Խուդոյանն ասաց, որ դա կախված է նրանից, թե դատավարության իրենց «հակառակորդները» դեռ որքան ժամանակ կխեղաթյուրեն իրենց միջնորդությունների իմաստը և10 րոպեի միջնորդությունները կքննեն 1-2 ժամվա ընթացքում: Փաստաբանը կրկին պնդեց, որ դատարանը կանխակալ վերաբերմունք ունի Ռ.Քոչարյանի հանդեպ: «Երբ օրենքը 2 տարբեր գործերով մեկնաբանվում է տարբեր կերպ, մենք գործ ունենք կանխակալ վերաբերմունքի հետ»,-նշեց նա: Փաստաբանը հայտնեց նաև, որ ինքը ժամը 16.00-ին նշանակված նիստում ներկայացնելու է դատավորի կողմից թույլ տված դատավարական կոպիտ խախտումները: Յուրաքանչյուր գործով դատարանը պետք է գնահատի փաստական հանգամանքներ, բայց դատարանը չի կարող տարբեր գործերով օրենքը տարբեր կերպ կիրառել: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am