ԱՄՆ նախագահ Դոնալդ Թրամփը Թուրքիայի նախագահ Ռեջեփ Թայիփ Էրդողանին առաջարկել է 100 մլրդ դոլար արժողությամբ և բարենպաստ պայմաններով առևտրային գործարք, ինչպես նաև աջակցել պատժամիջոցների սահմանման շուրջ ստեղծված իրավիճակը կարգավորելու հարցում՝ կապված ռուսական С-400 զենիթահրթիռային համակարգերի գնման հետ, գրում է The Washington Post-ը: Լրատվամիջոցի զրուցակիցները նշում են, որ անցյալ շաբաթ Թրամփը նամակ է ուղարկել Էրդողանին՝ թվարկելով բոլոր առաջարկությունները, որոնք պետք է նպաստեն երկու երկրների միջև հարաբերությունների բարելավմանը: Այս դեպքում Անկարան կարող է վերադառնալ F-35 կործանիչների համար հատուկ ծրագրի մշակմանը և խուսափել սահմանափակումներից: |