ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+12 °C, +5 °C ... +16 °C Վաղը`+20 °C
«Նիկոլի հոգեվիճակն անհանգստացնող է». Բաբկեն Հարությունյան
23:10, 14.11.2019 | mamul.am
6932 | 1

«Երևանի պաշտպանության ճակատ» նախաձեռնության համակարգող Բաբկեն Հարությունյանը ֆեյսբուքյան իր էջում գրել է. «Նիկոլի հոգեվիճակն անհանգստացնող է:

Նիկոլ Փաշինյանը հանձնարարել է պարզել որոշ շրջանակների և սատանայի համագործակցության ձևերը և ուղիները։ ԱԱԾ պետն էլ հաստատել է Նիկոլի հանձնարարականի փաստը։ Թվում է, թե սա կատակ է կամ վարչապետը հեգնում է այն մարդկանց, ովքեր իշխանության հակահայ, հակազգային և հակապետական քայլերի մասին բարձրաձայնում են, ովքեր, հիմք ընդունելով Արայիկ Հարությունյանի այն հայտարարությունը, թե սատանիզմի հիմքով համերգներ չեղարկել Հայաստանում այլևս չի լինելու, քննադատեցին նախարարին։ Սա միայն թվացյալ է այդպես, մեծ հավանականությամբ Նիկոլը, տեսնելով սեռափոխված անձին պաշտպանելու իր ելույթին հասարակության քննադատությունը, իշխանության տարբեր օղակների կողմից վարվող օտարածին գործողությունների բացահայտված լինելը, փորձելու է ուժային կառույցների միջոցով ռեպրեսիաների ենթարկել իշխանության քննադատներին։ Մեծամտության և ինքնասրբադասման մոլուցք ունեցող, հասարակության կարծիքը արհամարհող և որևէ կոմպրոմիսի չգնացող Նիկոլի հոգեվիճակն անհանգստացնող է»:

Կիսվի՛ր այս նյութով՝
դեպի վեր