ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+19 °C
Թուրք-սիրիական սահմանին բախումները շարունակվում են. ՄԱԿ
19:40, 15.11.2019 | mamul.am
5014 | 0

ՄԱԿ-ը նշել է, որ Սիրիայի ու Թուրքիայի սահմանային մի շարք շրջաններում զինված բախումները շարունակվում են: Նոյեմբերի 14-ին այս մասին հայտարարել է հումանիտար հարցերով ՄԱԿ-ի գլխավոր քարտուղարի տեղակալ Մարկ Լոուքոքը՝ ելույթ ունենալով ՄԱԿ-ի ԱԽ-ի՝ Սիրիային նվիրված նիստում։

«Ես շարունակում եմ ուշադիր հետևել Սիրիայի հյուսիս-արևելքում տեղի ունեցող զարգացումներին: Հոկտեմբերի 17-ին և 22-ին ձեռք բերված պայմանավորվածություններից հետո բռնության մակարդակը նվազել է: Այնուամենայնիվ, բախումները շարունակվում են սահմանային գոտիներում, առանձնապես Ռաս ալ Այնում ու Թել Աբյադում»: «Մարդու իրավունքների հարցերով գերագույն հանձնակատարի վարչությունը հաղորդումներ է ստացել, որ էսկալացիայի պահից ի վեր սպանվել է 49 խաղաղ քաղաքացի: Նրանք զոհվել են ավիահարվածներից, ցամաքային հարվածներից, դիպուկահարի կրակից, ինչպես նաև զինված խմբավորումների գործողություններից»,- հավելել է Լոուքոքը։

Կիսվի՛ր այս նյութով՝
դեպի վեր