Եվրո-2020-ի ընտրական մրցաշարի նախավերջին տուրում Հայաստանի ֆուտբոլի ազգային հավաքականը 0:1 հաշվով պարտվեց Հունաստանի թիմին: Երևանի Վազգեն Սարգսյանի անվան Հանրապետական մարզադաշտում կայացած հանդիպման միակ գոլը 35-րդ րոպեին խփեց Դիմիտրիս Լիմնիոսը: Սա Հայաստանի ընտրանու առաջին խաղն էր նորանշանակ գլխավոր մարզիչ Աբրահամ Խաշմանյանի գլխավորությամբ: Ընտրական մրցաշարի վերջին տուրում Հայաստանի ընտրանին Պալերմոյում կհանդիպի Իտալիայի թիմի հետ: |