ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Հանրային Խորհրդի առաքելությունը Վազգեն Մանուկյանը ձախողեց, իսկ հիմա՞...». Գևորգ Գալստյան
14:35, 16.11.2019 | mamul.am
5265 | 0

ՀՀ պետական կառավարման ակադեմիայում Ուսանողական գիտական ընկերության նախագահ, քաղաքագետ Գևորգ Գալստյանը ֆեյսբուքյան իր էջում գրել է. «Ինչպիսի՜ հետընթաց... «Վերնատունը» հանդիսացել է ժամանակի հայ մշակութային, քաղաքական, հասարակական էլիտար գործիչների ակումբ: Հ. Թումանյան, Վ. Տերյան, Ն. Աղբալյան, Լևոն Շանթ... Այնպիսի մտավորականներ, որոնք իրենց ողջ կյանքը նվիրաբերել են Հայ ազգի հարատևման բագինին:
Իսկ հիմա ովքե՞ր են իրենք իրենց փորձում որպես մտավոր ընտրանի ներկայացնել... Անձինք, որոնց գերակշռող հատվածի անփառունակ հետագիծն ու ներկան նույնիսկ «Վերնատուն» անունը չի կարող մոռացության մատնել: Հանրային Խորհրդի առաքելությունը Վազգեն Մանուկյանը ձախողեց, դրա հանդեպ հասարակությունում սերմանելով անլուրջ վերաբերմունք: Իսկ հիմա՞...
Եկեք մեր «Վերնատանը» զգուշությամբ պահպանենք Կոմիտասի, Շանթի, Աղայանի և այլոց ներկայությունը` չթողնելով, որ այն վերածվի քաղաքական բանսարկուների որջի»:

Կիսվի՛ր այս նյութով՝
դեպի վեր