+27 °C, +14 °C ... +27 °C Վաղը`+28 °C
«Նման կարգերը պետք է կարգավորվեն միջպետական պայմանագրերի ուժով, որովհետև օֆշոր ենք գնում, որովհետև առանձին հանձնաժողովների լիազորությունները գուցե սահմանափակ լինեն: Սա բավականին լայն քննարկման առարկա է, քանի որ պետք են խորացված ուսումնասիրություններ: Ես ձեռնպահ կմնամ այս պահին գործիքակազմ առաջարկելուց, որովհետև կուզենամ ավելի պրոֆեսիոնալ ձևով հանդես գալ այդ հարցին պատասխանելիս: Բայց հանձնաժողովում՝ ես վստահ եմ՝ կքննարկենք և մեր փորձը կներդնենք, որպեսզի որոշակի լուծումների գանք ու առաջարկենք». նոյեմբերի 18-ին ԱԺ նիստում «Իմ քայլից» պատգամավոր Հայկ Գևորգյանի հարցին ի պատասխան ասաց Կոռուպցիայի կանխարգելման հանձնաժողովի՝ կառավարությունից առաջադրված թեկնածու Լիլիթ Ալեքսանյանը: Հ. Գևորգյանին հետաքրքրում էր այն հարցը, թե թեկնածուն ի՞նչ գործիքակազմ ու մեխանիզմներ է առաջարկում ՀՀ-ից ապօրինի դուրս բերված ֆինանսական միջոցները հետ բերելու համար, որովհետև այս պարագայում գործ ունենք օֆշորային գոտիների հետ: Նշենք, որ Լիլիթ Ալեքսանյանը «Էյչ-Էս-ԲԻ-Սի» բանկի աշխատող է: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am