ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +5 °C ... +16 °C Վաղը`+20 °C
Ընդդիմության ոչ մի ներկայացուցիչ չի անցել Բելառուսի խորհրդարան
16:40, 18.11.2019 | mamul.am
4821 | 0

Բելառուսում կայացած խորհրդարանի ստորին պալատի (Ազգային ժողովի ներկայացուցիչների պալատի) նոր կազմի մեջ չի ընտրվել ընդդիմադիր ոչ մի գործիչ: Այս մասին հայտնել է Բելառուսի ԿԸՀ կայքը:
Կենտրոնական ընտրական հանձնաժողովը նոյեմբերի 18-ի առավոտյան հրապարակել է քվեարկության նախնական արդյունքները:

Խորհրդարան են անցել Բելառուսի հայրենասիրական կուսակցությունը, Աշխատանքի և արդարության հանրապետական կուսակցությունը, Լիբերալ-դեմոկրատական կուսակցությունը, ինչպես նաև Белая Русь հասարակական միության ներկայացուցիչները:

Ընտրություններում հաղթած քաղաքական բոլոր գործիչներն ընդդիմադիր դաշտից չեն:

Ըստ ԿԸՀ-ի հրապարակած նախնական տվյալների՝ ընտրողների մասնակցությունը հասել է 77.22%-ի։
Նոյեմբերի 17-ին Բելառուսի նախագահ Ալեքսանդր Լուկաշենկոն հայտարարել էր 2020-ի նախագահական ընտրություններում առաջադրվելու իր մտադրության մասին։

Լուկաշենկոն նշել էր, որ չի կառչելու նախագահական աթոռից, սակայն պաշտոնից կհրաժարվի միայն բելառուսցիների՝ իր թեկնածությունը մերժելուց հետո։

Կիսվի՛ր այս նյութով՝
դեպի վեր