Անկարան պատրաստ է Սիրիայում վերսկսել գործողությունները, եթե Ռուսաստանը և Միացյալ Նահանգները չկատարեն քրդական կազմավորումները անվտանգության գոտուց դուրս բերելու իրենց պարտավորությունները: Այս մասին հայտարարել է Թուրքիայի արտգործնախարար Մևլութ Չավուշօղլուն, փոխանցում է РИА Новости-ն:

Ըստ Չավուշօղլուի, Մոսկվան և Վաշինգթոնը «դեռ չեն կատարել» իրենց խոստումները: «Եթե մենք արդյունք չունենանք, ապա նորից կանենք այն, ինչ մեզ հարկավոր է»,-հայտարարել է նախարարարը:

Ավելի վաղ Ռուսաստանի Պաշտպանության նախարար Սերգեյ Շոյգուն հայտարարել էր, որ քրդերը նախատեսվածից շուտ դուրս են բերվել այդ տարածքներից: Նոյեմբերի 1-ից Ռուսաստանը և Թուրքիան սկսեցին պարեկություն իրականացնել Սիրիայի և Թուրքիայի սահմանի երկարությամբ: