Իրանի հոգևոր առաջորդ այաթոլլահ Համենեի հետ կապ ունեցող թերթը գրում է, որ մոտ ապագայում մահապատժի կենթարկվեն Իրանում իրականացված բողոքի ցույցերի կազմակերպիչները: «Քաոսի առաջորդներին սպասում է մահապատիժ: Ինչպես իրավաբանական օրենքներով, այնպես էլ շառիաթի օրենքներով այս հանցանքի համար մահապատիժ է հասնում»,- գրել է «Քեյհան» պարբերականը: Միևնույն ժամանակ թերթը գրում է, իբրև թե ցույցերի ձերբակալված մասնակիցները հարցաքննության ընթացքում խոստովանել են, որ գումարներ են ստացել անկարգություններին մասնակցելու համար: |