Վրաստանի վարչապետ Գեորգի Գախարիան հայտարարել է, որ երկրում ցույցերն ու անկարգությունները խոչընդոտում են տնտեսական զարգացմանը: «Բազմիցս հայտարարել ենք, որ առաջիկա տարիներին մեր ամենամեծ մարտահրավերն ու նպատակը լինելու են տնտեսական աճն ու աշխատատեղերը: Այն ամենը, ինչ տեղի է ունենում մեր հասարակական և քաղաքական կյանքում, երբ ձեռք է բերում ապակայունացնող առանձնահատկություններ, ազդում է մեր տնտեսական կյանքի վրա»,- հայտարարել է Գախարիան, մեջբերում է ТАСС գործակալությունը: |