+17 °C, +15 °C ... +26 °C Վաղը`+26 °C
«Իրազեկ քաղաքացիների միավորում» ՀԿ հիմնադիր, ծրագրերի համակարգող Դանիել Իոաննիսյանը ֆեյսբուքյան իր էջում գրել է. «Ակնկալում եմ, որ ԱԱԾ-ն լրացուցիչ տեղեկություն ու նյութեր կհրապարակի Գևորգ Լոռեցյանի գործով: Առկա տվյալների սահմաններում մի տեսակ տրամաբանությունը չի բռնում: Մասնավորապես՝ Ա) Ամսական, փաստացի, մեկ միլիոն դրամ աշխատավարձ ստացող փոխնախարարն իր ամսական աշխատավարձի չափ կաշառք է ուզել և վարորդի միջոցով 300 հազար դրամ ստացել (եթե հավատանք առկա ներքին ինֆոին ու մամուլի հրապարակումներին): Ինչի՞ դիմել 12 տարվա ազատազրկման ռիսկին՝ քո մեկ ամսվա աշխատավարձի չափ կաշառքի խաթր: Բ) Ինչո՞ւ ԱԱԾ-ն բռնեց փողն ստացող վարորդին` չսպասելով, որ վերջինս փողը փոխանցի Լոռեցյանին, որ ավելի հիմնավոր լինի փոխնախարարի կողմից կաշառք ստանալու փաստը: Չեմ ուզում դավադրությունների տեսություն զարգացնեմ, բայց արձանագրեմ, որ Լոռեցյանի գործով զբաղվում է ԱԱԾ-ն, որի ներկայիս տնօրենի ընկեր և նախկին տնօրեն Արթուր Վանեցյանը Գևորգ Լոռեցյանի հետ շատ վատ հարաբերություններ ուներ և սպառնալով խոչընդոտում էր ՈւԵՖԱ-ի 4-րդ կատեգորիայի մարզադաշտ կառուցելուն: Զուգադիպությո՞ւն: Հույս ունեմ, որ ԱԱԾ-ն մանրամասներ կհրապարակի՝ կասկածները ցրելու համար: Այդ պարագայում, բնականաբար, Լոռեցյանը պետք է պատժվի օրենքի ողջ խստությամբ»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am