«Երևանի պաշտպանության ճակատ» նախաձեռնության համակարգող Բաբկեն Հարությունյանը ֆեյսբուքյան իր էջում գրել է. «Բարձիթողի իրավիճակ՝ նախարարություններում.

Նախարարներին կից հասարակական խորհուրդների կազմն եմ նայում՝ մի մասն ունի, մի մասը դեռ նոր-նոր է հայտարարություն տվել, մի մասն էլ ընդհանրապես չունի․ օրինակ՝ Արտաքին գործերի, Բարձր տեխնոլոգիական և արդյունաբերության և էկոնոմիկայի նախարարությունները։ Կան նախարարություններ էլ, որ որոնց կայքերում որպես խորհրդի նախագահ՝ դեռ նշված է նախկին նախարարների անունները կամ խորհրդի կազմը։ Ամենևին չենք զարմանա, եթե տեսնենք նախարարներին կից խորհուրդների անդամ հասարակական կազմակերպությունների անունները՝ հիմնականում Սորոսի հիմնադրամն է և իրենից պաշտոնապես ֆինանսավորվող կազմակերպությունները՝ «Թրանսփարենսի», «Կանանց ռեսուրս կենտրոն» և այլն։ Իհարկե, կան նաև Սորոսից չֆինանսավորվող ՀԿ-ներ։ Առանձնակի կարևոր է, որ խորհուրդների կազմում լինեն նաև իշխանությանը ոչ հաճո ՀԿ-ներ նույնպես՝ եղած սխալները բարձրաձայնելու և առաջարկներ ներկայացնելու համար, ոչ թե լինեն միայն իշխանությանը հաճո ՀԿ-ներ՝ նախարարների հետ նկարվելու և իմիտացիա անելու համար:
Կառավարությունը պարտավոր է հաշվի նստել քաղհասարակության կարծիքի հետ. վարել բաց և թափանցիկ քաղաքականություն, հետևաբար՝ բոլոր նախարարները պետք է ունենան ՀԿ խորհրդի կազմեր, նախարարությունների կայքերում լինեն խորհուրդների կազմերը, նիստերի արձանագրությունները և անհրաժեշտ այլ տեղեկություններ։
Հանրային վերահսկողության կենտրոնը հետամուտ է լինելու նշված խնդիրներին»: