Մեղրու համայնքապետարանի մամուլի քարտուղար Մարիամ Ծատրյանը ֆեյսբուքյան իր էջում գրել է. «Մեր պաշտոնյաների մի մասը այդպես էլ չի գիտակցում, որ հեղափոխությունն ավարտվել է և իրենք պետական պաշտոն զբաղեցնող անձիք են։ Գրառումներ եմ կարդում, իրենց էջերի փոստը նայում ու ապշում։ Մարզպետներից մեկը Միշիկ է քլնգում, քաղաքապետերից մեկը ԲՀԿ-ի Գևորգի թեմային է անդրադառնում, էն մյուսը՝ կոռուպցիայի մասին բարձրագոչ գրառում անում, էն մեկը՝ Աշոտյանի ու Շարմազանովի նկարն է դրել ու հեգնում։
Հասկանո՞ւմ եք, կա հանրային ծառայության մասին օրենք, որն իրենից ենթադրում է պահպանել չեզոքություն, զսպվածություն, հարցերին հավասարակշիռ մոտեցում։
Ընկերներ, դուք արդեն քաղաքական ակտիվիստ չեք, դուք արդեն երկու տարի է պատասխանատվություն կրող անձիք եք, որոնց կարևորագույն ծառայության են ուղարկել։ Այն իրականացրեք ֆեյսբուքյան գրառումից անդին. մնացածը թողեք ՔՊ կուսակցության ակտիվին»: